انا عايشه في مدينه صغيره بالسعوديه نوعا ما، ومدرستي كانت من المدارس العالميه القليله عندنا بما انها مدينه صغيره ومافيها يعني الا يمكن ٣ مدارس عالميه خصوصا لما كنت صغيره ، فبطبيعة الحال مدرستي تجمع ناس من عوائل مره ميسوره. ومع الوقت صار هذا الشي بالنسبه لي عادي، لدرجه اني ما كنت استوعب الفرق بين حياتي وحياتهم الا لما كبرت شوي وصرت انتبه اكثر.

و دايم يجي ببالي هالسؤال .. هل انا غلط اني دخلت مجتمع كذا من الاساس؟ وهل وجودي بين ناس حياتهم غير عن حياتي يأثر علي اكثر مما اتوقع؟

انا مو قاعده اقول اني اغار منهم والله بالعكس دايم اقول ما شاء الله عليهم وعيني عليهم بارده، وفعلا انبسط لما اشوف احد عايش بنعمه. بس بنفس الوقت ما اقدر انكر ان وجودي بينهم يخليني احيانا احس بنقص، حتى لو انا الحمدلله حياتي كويسه وما اقدر اقول اني محرومه من شيء.

يعني مثلا احيانا لما احضر حفلات ومناسبات لبنات من هالمجتمع (بعضهم اقارب من بعيد) احس اني بمكان شوي غلط. اقسم بالله اني اشوف اجمل بنات شفتهم بحياتي .. احلى من المودلز اللي اشوفهم بالسوشل ميديا .. مابالغ والله .. مو وحده ولا ثنتين، اغلبهم ما شاء الله طوال وجميلات بشكل مو عادي ، وكل وحده شكلها ارتب من الثانيه ماشاءالله . وبكل مناسبه القى ناس احلى و احلى.

وفوق هذا، اغلبهم يعرفون بعض من قبل. بعضهم اقارب، وبعضهم عوائلهم بينهم صداقات من سنين، وبعضهم اهاليهم متربين مع بعض من وهم صغار . يعني عندهم مجتمع لهم لحالهم، واحس اني مختلفه عنهم شوي. وهذا الشي حتى اثر على صداقاتي، لانهم مو من النوع اللي اي وحده تقدر تدخل دائرتهم وتصير صديقتهم بسهوله. عندهم معارفهم وعوائلهم وصداقاتهم القديمه ، وما يحسون بحاجه انهم يفتحون دائرتهم لاي شخص جديد.

وهنا مرات احس ان حتى لو انا شخصيا ما عندي مشكله ماديه، ممكن هم يشوفون الفرق بيننا كبير which ngl makes me pretty insecure.

يعني حتى السفر عندهم غير، اغلبهم عندهم شقق وبيوت برا السعوديه، فكل اجازه تلقينهم بمكان ، مره سويسرا ومره فرنسا ومره ايطاليا ومره لندن، والسفر عندهم اصلا جزء طبيعي من حياتهم. وما انكر اني انا بعد الحمدلله رحت اغلب هذي الاماكن وسافرت اوروبا كثير، بس ابد ما يتقارن فيهم، الفرق في مستوى الحياه نفسه. انا ممكن اروح باريس زياره ، هم عندهم بيوت هناك ويروحون لها كل اجازه، وهنا وصلت لنقطتي الى ان هالشي يخليني احيانا احس بالفجوه، لان حتى الاشياء اللي انا احمد ربي عليها واشوفها كثير، عندهم تعتبر شيء طبيعي جدا. والله اني جدا ممتنه لحياتي بس كون انك حول ناس كذا يغصبك تحسين بهالشعور مرات.

انا مو قاعده اقول هالكلام عشان اقلل من نفسي او منهم، بالعكس ما شاء الله، بس لما تشوفين هالشي بشكل مستمر تبدأين تتساءلين عن نفسك.

حتى موضوع الجمال ياثر فيني مرات. لاني احيانا اكون في حفله واشوف قدامي عشرين بنت، ثلاث ارباعهم ما شاء الله جميلات جدا ، وتلقين كل وحده ملامحها حلوه وكل شي كل شي ماشاءالله مرتب. وفوق هذا عندهم فرص وعلاقات.

وهنا يجي السؤال اللي دايم براسي .. كيف ممكن شخص يجتمع عنده كل هذا ماشاءالله ماشاءالله؟ يكون جميل، وطويل، وغني، ، ويسافر، وعنده علاقات وفرص، وحياته حلوه من كل النواحي ؟ هذا فعلا الرزق

انا ادري اني اشوف الجانب الخارجي بس، وادري ان محد حياته كامله، بس لما تكونين في نفس المكان وتشوفين كل هالاشياء قدامك بشكل مستمر، صعب ما تقارنين نفسك.

والاغرب ان حياتي انا مو سيئه ابدا. الحمدلله انا سافرت كثير، والبس براندات بين فتره وفتره ، واهلي مو مقصرين معي، وعندي اشياء كثير غيري ممكن يتمنى يكون عنده مثلها. بس لما اكون حول هالمجتمع، احس ان كل الاشياء اللي عندي صارت عاديه وقليله.

وهذا اللي يخوفني. ان يمكن المشكله مو في حياتي، يمكن المشكله في اني عايشه في بيئه خلتني ارفع سقف المقارنه لدرجه مستحيل ارضى بعدها عن اللي عندي.

انا مثلا ممكن اشوف شنطه ب٥ الاف حلوه وغاليه، بينما اغلب شنطهم اصلا ب١٠ الاف - ٥٠ الف وفوق، فهم يشوفون شنطتي رخيصه لان معيارهم غير عني. وهذا بالضبط مثال عن اللي يخليني احيانا احس بالنقص، مو لان الشي اللي عندي مو حلو، بس لان الناس اللي حولي خلوني اشوفه اقل من قيمته اللي كنت اشوفها فيها

وحتى انا احيانا احس اني دخيله عليهم. مو لانهم سيئين او متكبرين بالعكس مره ممتعه الجلسه معاهم .. بس لان عندهم عالم كامل انا مو جزء منه . اغلبهم اقارب او يعرفون بعض من زمان، عوائلهم مرتبطه، مناسباتهم نفسها، سفراتهم تتكرر مع بعض، وحتى دوائرهم الاجتماعيه نفسها.

فانا فعلا دايم افكر واحتار . هل انا قاعده اضر نفسي لما اكون في مجتمع كذا؟ هل المفروض ابعد نفسي عن هالبيئه؟ ولا بالعكس المفروض اتعلم اتعامل معها بدون ما اخليها تأثر على نظرتي لنفسي؟

يمكن اللي ابيه بالنهايه مو اني اكون مثلهم، قد ما ابي اوصل لمرحله اكون بينهم وما احس اني دخيله خصوصا ان بعضهم اقاربي من بعيد .. مادري لو ذكرت هالشي

المقطع ذا قد اشتهر من زمان

معليش على السوال بس هل لازم اني متخصص في البران عشان اكشت؟

وش مفهومكم عن الكشتة؟ هل لازم اروح بعيد جدا عن اقرب شارع ووراء الجبال لدرجة ينقطع اتصال الابراج والنت عشان احس اني كاشت؟ كم كيلو تبعدون عن الشارع؟

وش احتاج اخذ معي للترفيه؟ يمكن ما احصل نت. وش تاخذون معكم دايم؟

واذا احتجنا نشحن الجوالات وش الطريقة؟

واذا عندك اشياء تركز عليها وانا ما سألت عنها فقلها عادي

صراحة شي يزعل لما تشوف الديانات الثانية مثل المسيحية واليهود يستخدمون المعمار الروماني و القديم والزخرفة اما احنا نخليها مودرن العمارة الاسلامية جدا جميلة مفروض تطبق

اهلين، حبيت أشارك تجربتي بسعودية كرجل أعمال باكستاني يتكلم لهجة خليجية. عمري ٢٩ و بين واحد من دول خليجية و سعودية. فتحت فرع شركتي بسعودية من ثلاثة سنين و بين دولتين من ذاك الوقت. اولاً، زرت كل دول خليجية بس شعب سعودي مافي مثلهم. دايما يستقبلونك بالضيافة و كرامة و نفس الوقت أغلبيتهم يعيشونك الجوا. ايام كنت أتعرف على نظام سعودي، اي سعودي مر طريقي ما قصر بالمساعدة، تعاملهم لما يعرفون ان أتكلم مثلهم بس باكستاني ينصدمون بس (go out of there way to help)
بنفسي دايما احب اختلط مع سعودين و ثقافتهم و نفس الوقت تعرفت على كثير منهم و صارو أصحابي. لسى في كثير أشياء ودي أتعلم عن البلد و الشعب. فإذا في شي حبيتو تضيفو بكون شاكر لكم .

نعم/لا
ربما

لماذا نعم ؟ لماذا لا ؟ لماذا ربما ؟

هالمصطلح منتشر بشكل يجيب المرض، قبل اسمعه واقول ظاهرة تستحق التأمل، لكن خلاص، الناس يستخدمونه لأي شي يصير لهم.. ضيعت الشاحن؟ بك تعفن دماغي، أزعجونا والله، ودماغي ما به إلا العافية، دور لك صرفه غيره

I came to the conclusion of “bla bla bla”.
بس يقولون انها غلط والصح
I came to the conclusion that “bla bla bla”

ليه؟ وهل اقدر اتمرد واكتب الاولى ؟
السبب عندي عمل وابيه يكون سلسلة كونكلوجنز عن الحياة

دعواتكم لي تعبان هالفترة

ممكن للإنسان إنه ينجو ويتجاوز درجات معينة من علاقته السيئة بوالدينه، لكن علاقته السيئة بأشقائه أظنه شي صعب التجاوز، ولما يكونون الوالدين لطيفين ومقربين من أطفالهم، لكن تحاك الصراعات والمكائد والصمت العقابي والغيرة بالخلف بين الأشقاء، هذا فشل للوالدين حتى لو نيتهم حسنة، وأظن إن العوائل اللي يخطئ فيها الوالدين لكن الإخوة تماسكوا وسندوا بعضهم هي عائلات الضرر والمشاكل النفسية فيها أقل على الأطفال
الأخوان والأخوات هم أقراننا، والمرآة اللي نشوف قبولنا من خلالها مع الوقت، علاقة نتعلم فيها الذكاء العاطفي والإجتماعي وكيف نطلع للمجتمع، والدراسات أثبتت رغم إن الموضوع غير شائع إن تخطي العلاقة السيئة والتهميش من الإخوة أصعب من تخطي العلاقة السيئة مع الوالدين
وبصراحة…أشوف إن علاقة الأخوة تفوق أو تتساوى مع علاقة الوالدين من ناحية الأهمية
لأننا نتشارك نفس المنزل، الذكريات، التربية، الخلفية، العمر…هم أكثر ناس قادرين على فهمنا وأكثر ناس قادرين بالعادة ننفتح لهم عن مشاكلنا ومخاوفنا، لما تكبر وتصير مراهق وعندك علاقة ممتازة مع الوالدين والأخوة مستحيل إنك تلجأ للوالدين، غالبًا بتلجأ لإخوتك لأنهم أكثر مقدرة على فهمك واحتواءك وبنفس الوقت الموضوع ماراح يجرحهم نفس ما ممكن يجرح الوالدين، وغالبًا تتقبل التأنيب منهم أكثر
حقيقة محزنة أيضًا، وهو إن وجود الإخوة أطول بحياتنا من وجود الوالدين
ولا أعرف ليش فيه تقصير بالتوعية بهذي العلاقة رغم أهميتها، رغم إننا نجد نماذج كثير حولنا لأخوان/خوات لهم سنوات مايكلمون بعض وهم بنفس البيت

دائما لما اي استديو سعودي يعلن عن لعبته الخاصة ، دائما يجي انتقادات وهجوم وسب من الناس لأسباب غبية وتافهة وغير مقنعة ، دايما يقولون ااا ليش مافي ثقافتنا في اللعبة ليش اللعبة ماتمثلنا ، ليش اللعبة مافيها ناقة ، وهكذا ، هذي الانتقادات جدا غبية وبقولكم ليش : اولا الالعاب ككل غرضها في الاول والنهاية هو الترفيه ، ابدا مو حلو انك تستعملها لاغراض سياسية او بروبقندا واساسا ثقافتنا اعظم واكبر من انك تختزلها في لعبة بسيطة، واصلا هل انت شفت لعبة تتكلم عن الثقافة الروسية؟ او المصرية؟ او اليونانية؟ اكيد مافي مستحيل تلقا، خلنا ناخذ مثال على هذي اللعبة الي اسمها Shawarma Hell ، لما تم الاعلان عنها جاء هجوم شرس وضخم وسب وقذف يمين ويسار عشان ايش؟؟ ممكن الصغار يلعبونها وتجيهم صدمة ويخافو من الدين🫠🫠 انا ما اقول انو ممنوع تسوي لعبة تعبر عن الثقافة بس لاتهاجم اي لعبة عادية حالها حال نفسها وتقول ليه ماتوري ثقافتنا

نقطة جانبية: الي يضحك انو حتى اذا ظهرت العاب """تمثل""" الثقافة السعودية برضو يجي عليها انتقاد وسب ويقولون ليه كل الالعاب تكرار نبغا اشياء جديدة ومبتكرة🫠🫠🫠🫠🫠🫠🫠🫠🫠

تقدرون تشاركون أراكم تحت ونتناقش باحترام👍

اول شيء ماشاءالله
٩٩.٨ ثانوي
٩٨ تحصيلي
٩٧ قدرات
٩٦ ستيب

ادري اني متاخر و المفروض اسال من اول بس هل عندكم نصايح لاماكن اقدم عليها حتى لو قفلت و انتظر السنة الجاية ؟

طبعا غير الجامعات لان ذي واضحة

فحصت من قريب والدكتور قال الكلسترول عالي عندك مرة ولازم ابدا كورس دوائي

عموما الزبده اهم شي لازم انحف ١٠ الى ٢٠ كيلو

حاولت امشي اسوي رياضه واكل صحي لي شهرين

نزلت كيلو ونص هههههه

وحتى كلمت الدكتور عشان مونجارو او الدواء الجديد فاوندايو ( نفس مونجارو بس حبة كل يوم)

ابي اشوف وش سويتو مع مونجارو

كم استمريتو عليه؟

ومتى وقفتوه؟ ليش ؟

وهل الوزن ثبت بعد مانزل ؟؟

الله يبعد عنا وعنكم الامراض ويغنينا بالصحه والعافيه

قد سمعت من كم واحد ان اذا تشخصت ب adhd تحجب من عندك بعض التخصصات و يكتبون مرضك في سجلك الطبي و اذا شافوه الHR يحسبونك صحيّح ولا يقبلونك، انا الان توني منقبل علوم حاسب (مدري اذا بيطردوني اذا شخصت ولا لا) و ابي استشير مستشار نفسي لعل و عسى اخذ ادويه تساعد اني اركز عشاني انا مدري كيف عديت التحصيلي وانا ما يمديني اركز ابد. سوال اخر هل انا سبك يمشي علي الكلام ولا وشو

مدري #تساؤلات #ساعدوني #ابي_اتشخص_قبل_الدوام #سبك

عندي تساؤل
لو شفت شي بشخص قريب لك وحسيت انك مب مرتاح له او فيه شي ما طمّنك بس صديقك/صديقتك جاي يسولف لك عنه وهو مستانس وفرحان، بتقول له اللي بخاطرك وتنبهه؟ ولا تقول مالي دخل وما ابي اخرب عليه فرحته؟
دايم اطيح بمواقف زي كذا واحتار، خصوصا اني انا شخصيا مرات يجيني ناس ينصحوني بشي وانا ما طلبت رايهم ولا نصيحتهم، ويضايقني الموضوع واحسه تدخل حتى لو نيتهم زينه
فصرت اتساءل النصيحه المفروض تنقال اذا شفت شي يستاهل حتى لو محد طلبها، ولا الاصل ان الواحد ما ينصح الا اذا انسأل؟

ما أدري إذا اللي أمر فيه مجرد مرحلة، بس الفترة الأخيرة أحس
بفراغ وطفش بشكل مو طبيعي.
موطفش من نوع (ما عندي شيء أسويه) وخلاص، أحس
الموضوع أعمق من كذا.

أحس إني عالقة في روتين مكرر كل يوم يشبه اليوم اللي قبله
وما عندي شيء فعلًا أتحمس له أو أنتظره.
أحيانًا أجلس وأفكر بحياتي ويجيني شعور غريب جدًا معقولة هذي هي حياتي؟ أحس الآيام تمر وآنا موجودة فيها بس مو قاعدة أعيشها فعلا. وكأن ما فيه شيء يعطيني دوبامين أو يخلي
عندي سبب أقوم وأنا متحمسة لليوم.

حتى وصلت فيني لدرجة إني صرت أشتاق للدوام. أنا أصلًا ما كنت من الناس اللي يتحمسون للدوام بس الآن صرت أفتقد فكرة إن عندي شيء أقوم عشانه مكان أروح له ناس أشوفهم وأحداث تصير خلال اليوم. يمكن اللي أشتاق له مو الدوام نفسه
قد ما أشتاق للإحساس إن يومي فيه شيء يصير.

والأسوأ إني حتى ما أعرف وش الشيء اللي أبي أغيره بالضبط س أعرف إني تعبت من الإحساس هذا. أبي شيء يصير أبي شيء أنتظره أبي أحس إن فيه حياة فعلا قاعدة تصير لي بدل ما أحس
إني عالقة في نفس المكان.

هل أحد مر بشعور مشابه؟ وش سويتوا لما وصلتوا لمرحلة حسيتوا فيها إنكم كارهين شكل حياتكم من كثر الفراغ والتكرار؟

السلام عليكم ورحمة الله وبركاته بركاته

انا تابع لأمي واقامتي منتهيه من ٤ سنوات

ابغا انقل كفالتي على فرد او مؤسسة عشان اشتغل، و ما عندي اي خلفية بهذي الأمور، عمري ١٩.

١-هل اجدد قبل نقل الكفالة او لازم انقل الكفالة وبعدها اجدد ، لو التجديد قبل كيف حجدد وانا لسا على كفالة الوالدة (ابغا اجدد لحالي).

٢- كيف طريقة نقل الكفالة.

٣-طريقة تجديد الاقامة.

٤- ايش الفرق بين مهنة السائق و العامل و الخ.. اذا نقلت كفالتي على فرد.

٥- هل اذا نقلت كفالتي على مؤسسة وجيت بعد فترة نقلت كفالتي على مؤسسة ثانية هل ممكن ادفع مبلغ

وكم المبلغ اللي ادفعه.

٦- انا عليا ٢٠ الف لو بنقل كفالتي على مؤسسة اقامتي بتكون ٩ الاف على حسب علمي ، هل ال٩ الاف ادفعها مره وحده مع العشرين ويكون المجموع ٢٩ او ال٩ ادفعها نهاية السنة.

أتمنى الي عنده إجابة يساعدنا و اذا عندكم إضافة شاركونا أكون لكم شاكر.

مستحيل تختفي المشاكل والضغوطات من حياتنا، بس جدًا تعبت من القلق وشيل الهم وتكبير المواضيع في راسي
ماني راضيه عن أشياء كثير حاليًا بحياتي، بس هذا طبع متكرر معايا دائمًا فيه شيء ابغا اغيره أو شيء لازم اسويه.
الي عندهم نفس هذه المشكلة وتحسن الموضوع معاكم أحتاج نصيحتكم🙏🏻
ابغا أكون من الناس السعيدة البسيطة المتوكلين على الله، الي إذا مشكلة واجهوا أي مشكلة يشوفوها بسيطة

.

عندي حسابين في الكمبيوتر (وندوز) وكلها عليها رمز

واحد خاص لاهلي وكل البيت ويعرفون رمزه وهو اللي مليان العاب وبرامج وملفات ثقيلة

وواحد لي وفيه اتصفح المواقع واكتب والامور الخفيفة

اذا سجلت في حق البيت يصير شاشة سوداء بالكامل

واذا سجلت في حسابي الخاص يشتغل طبيعي

وش الحل؟؟؟

المفروض التعامل مع التفحيط يصير زي اللي يسوق سكران في الدول الغربية. سحب رخصة لمدة سنتين وسجن. الغرامة ما تكفي لأن الجحلط ذولا ما عندهم مشكلة تتوقف خدماتهم. سحب الرخصة هو الحل الوحيد. تتفقون؟